pazkoaldiko08C_pentekoste

Sal 103, 1ab eta 24. 29-30. 31 eta 34

R/.     Bialdu egizu, Jauna, zeure arnasea,

           eta barrituazo lur-azala.

Ene arima, goratu egizu Jauna!

Guztiz handi zaitut, Jauna, ene Jainkoa!

Bai ugari dirala, Jauna, Zuk eginak,

zuhurtasunez eginak zeharo,

lurra zure sorkariz betea dago! R/.

Aurpegia gordeten badozu, ikara dira,

arnasea kentzen badeutsezu, hilten,

euren hautsetara dira bihurtzen.

Zure arnasea bialtzen badozu,

izatea emoten deutsezu;

lur-azala barriazoten dozu. R/.

Izan bedi Jaunaren ospea sekuletan,

poztu bedi Jauna, Berak eginetan.

Atsegin bekio nire olerkia,

nire poza da Jainkoa. R/.

pazkoaldiko07c_igokunde

Sal 46,2-3.6-7.8-9

R/.     Oihu alaien artean igon dau Jainkoak, 

           turuta soinuz Jaunak.

Herri guztiok, txalo jo egizue,

Jainkoari irrintzi egiozue.

Goi-goiko Jauna, izan ere, izugarri,

lurbira osoan errege handi. R/.

Oihu alaien artean igon dau Jainkoak,

turuta soinuz Jaunak.

Eresi Jainkoari, eresi,

eresi gure erregeari, eresi. R/.

Jainkoa da-eta lurbira osoan errege,

egiozue jator gorazarre.

Jainkoa errege da atzerrietan,

jesarrita dago Jainkoa bere aulki santuan. R/.

pazkoaldiko 06C

Sal 66, 2-3. 5. 6 eta 8

R/. Ene Jainko, ospatu zagiezala herriek,

        ospatu zagiezala herri guztiek.

Erruki bekigu Jainkoa eta bedeinkatu gagizala,

agertu deigula aurpegi argia,

ezagutu dagien munduan zure bidea,

nazino guztietan Zugandiko salbamena.  R/.

Poztu bediz kantari nazinoak,

zuzentasunez dozuz-eta gobernatzen herriak,

Zuk gidatzen munduan nazinoak. R/.

Ene Jainko, aitatu zagiezala herriek,

Aitatu zagiezala herri guztiek.

Bedeinkatu gagizala Jainkoak,

izan begio begirunea mundu osoak. R/.

pazkoaldiko 05C

Sal 144, 8-9. 10-11. 12-13ab

R/. Ene Jainko, ene Errege,

     bedeinkatuko dot zure izena betiere.

Errukiorra eta bihozbera da Jauna,

hasarregaitza eta ondoguraz betea.

Ona da Jauna guztientzat,

errukiz betea bere sorkari guztientzat.  R/.

Goratu zagiezala, Jauna, zeure sorkari guztiek,

bedeinkatu zeure fededunek;

aitatu begie zure erregetza ospetsua,

berba egin begie zure ahalmenaz. R/.

Gizakiei agertuz zure egite ahaltsuak,

zure erregetza ospetsuaren bikaintasuna.

Zure erregetza betiko erregetza,

gizaldiz gizaldikoa zure nagusitza. R/.

pazkoaldiko 04C

ERANTZUN SALMOA Sal 99, 2. 3. 5

R/.  Jaunaren herri gara eta Haren larreko artalde.

Lurtar guztiok, egin irrintzi Jaunari, 

zerbidu egizue Jauna pozetan,

sartu zaiteze oihu alaiz haren aurrera. R/.

Jakizue Jauna dala Jainko, 

Harek egin gaitu, harenak gara,

haren herri eta haren larreko artalde. R/.

«Ona da-eta Jauna, 

haren maitasuna betikoa,

haren leialtasuna gizaldiz gizaldikoa».  R/.

pazkoaldiko 03C

PAZKOALDIKO 03 DOMEKEA   /C

Sal 29, 2 eta 4, 5-6. 11-12ª eta 13b

R/.   Goratuko zaitut, Jauna, onik atara nozulako.

Goratzen zaitut, Jauna, onik atara nozulako,

arerioei nire lepotik pozten itzi ez deutsezulako.

Jauna, Heriotz-leizetik atara nozu,

zulora jaisteko zorian nengoala bizibarritu. R/.

Kanta Jaunari, haren fededunok,

goratu egizue, haren santutasuna gogoratuz.

Une baterako da haren hasarrea,

bizi guztirako haren on izatea.

Arratsean negarra da gurean,

poz-oihua goizean. R/.

Entzun, Jauna, eta erruki nitaz,

izan zakidaz laguntzaile, Jauna».

Negarra dantza bihurtu deustazu,

Jauna, ene Jainkoa, eskerrak emongo deutsudaz beti. R/.